மாஸ்டர்-கமாண்டரும் & டார்வினும்

மிதமான மழை பெய்யுது. பைக்ல சர்ர்னு போறிங்க. முகத்தில பொடிஊசி மாதிரி மழை குத்துது. அதோட வீட்டுக்கு வந்து அம்மா ஒரு ஏலக்காய் டீ போட்டு தந்தா ஒரு புத்துணர்ச்சி வருமே... அதே மாதிரி தான் இந்தப்படமும். Airbender, 2012னு மொக்க கிராபிக்ஸ் படங்களா பார்த்து கண்ணு பூத்துப் போயிருந்தா... இந்தப் படத்த பாருங்க. பார்த்தவங்க மறுபடியும் பார்க்கலாம்-தப்பில்ல.ஒரு சில கிராபிக்ஸ் காட்சிகளைத் தவிர்த்து கப்பல்,பீரங்கி முதற்கொண்டு உண்மையானவற்றையே பயன்படுத்தியிருக்காங்க கடலை விரும்பறவங்க (யார் தானில்ல)இந்தப் படத்தை கண்டிப்பா விரும்புவாங்க.

டைரக்டர்: பீட்டர் வியர் (Dead Poets Society, The Truman Show)

ஹீரோ: நம் அனைவருக்கும் பிடிச்ச ரஸ்ஸல் க்ரோ

முதல க்ரோ நடிச்ச 3:10 to Yuma, Insider, Cindrella man இதுல ஒண்ணத்தான் எழுதலாம் நெனச்சேன். க்ரோவோட பிற படங்களைப் பத்தி பல heavyweights
        

           கருந்தேள்,      கனவுகளின் காதலன்,    ஜெய் (பி மொ தமிழ்)

ஏற்கானவே எழுதிட்டதனால lightweightஆனா எனக்கு இந்தப்படம் எழுதுவது சுலபம்னு நெனச்சேன். இந்தப்படத்திற்கும் டார்வின்னுக்கும் என்ன சம்மந்தம்? கடைசில சொல்றேன்.

இங்கிலாந்து நாட்டைச் சேர்ந்த பெட்ரிக் ஒ பிரைன் என்பவர் 1969ஆம் ஆண்டு எழுதிய நாவலை (மொத்தம் 20) அடிப்படையாகக் கொண்ட படம். முக்கிய கதாபாத்திரங்கள் ஜாக் ஆப்ரி-கப்பல் காப்டன் (க்ரோ), Dr.மாரின்-கப்பல் மருத்துவர்-சுற்றுச்சூழல் ஆய்வாளர், HMS Surprise(பிரிட்டிஷ் போர்க்கப்பல் HMSனா Her Majestys Service), Acheron (பிரெஞ்சுன் சக்திவாய்ந்த மிகவேகமான போர்க்கப்பல்). நாவல்ல கதை நடந்ததா சொல்லறது 1812(பிரிட்டிஷ் X அமெரிக்க). ஆனா படத்தில் 1805 (பிரிட்டிஷ் X பிரெஞ்சு) ஆக மாத்தியிருப்பாங்க. ஏன்னு கொழந்தைக்கு கூடத் தெரியும். ஆனா உண்மையிலேயே 1805 (பிரிட்டிஷ் X பிரெஞ்சு, நெப்போலேனிக் போர்கள்-ட்ரேபால்கர் போர்), 1812 (பிரிட்டிஷ் X அமெரிக்க) போரும் நடைபெற்றுள்ளது.

ஆர்ப்பாட்டமில்லாத கடல்.  HMS Surprise, பசிபிக் கடல்ல வேகாம போய்க்கிட்டே..... இருக்கு. திடீர்னு பனிமூட்டத்திற்க்கு நடவே தென்படும் Acheron. ஒரு சின்ன டெமோ தாக்குதல் நடத்துது. அதுக்கே HMS Surprise ரொம்ப ஸர்ப்ரைஸ் ஆகி ஆடிப்போயிருது. சேதமானாலும் வெறிகொண்ட வேங்கையாக திருப்பி தாக்குவோம்னு ஜாக் ஆப்ரி யோசிக்கிறார். ஆனா வழக்கம் போல பெரிசுக தடா போட்டு கரைக்கு திரும்பலாம்னு சொல்றாங்க. Acheron திரும்பி சீண்டுது. சிலபல இழப்புகளுக்கு அப்பறம் அற்புதமான கலபாகஸ் தீவுகளுக்கு (உலகின் அரிதான உயிரினங்கள் வாழும்) போறாங்க.அங்க Dr.மாரின் தன் ஆராய்ச்சியை ஆரம்பிக்கலாம்னு நெனைக்குறப்போ அங்கு ஏற்கனவே Acheronனால டேமேஜான இன்னொரு சின்ன கப்பலை பார்க்குறாங்க. ஆகா... Acheron வந்துட்டான்யானு உடனடியாக கிளம்புறாங்க. இந்தப்பயணத்தில் Dr.மாரின் எதிர்பாராமல் காயமடைகிறார். வேறுவழியின்றி நண்பனுக்காக ஜாக் ஆப்ரி மறுபடியும் கலபாகஸ் தீவுகளுக்கு வண்டிய விடச்சொல்றார். ஆனால் இந்த முறை Dr.மாரினின் சேகரிப்பில் உள்ள ஒரு பூச்சியிடம் இருந்து ஒரு வித்தையை கற்றுக்கொண்டு Acheronஐ அட்டகாசமாக வீழ்த்தி சிறைபிடிக்கின்றனர். இங்க ஒரு சின்ன ட்விஸ்ட். அதற்கப்பறம்.... அவ்ளோதான். படம் ஓவர்.

ரஸ்ஸல் க்ரோவைப் பத்தி நான் ஒன்னும் சொல்லத்தேவையில்ல. அலட்டாம, முகத்த அஷ்டகோணலாக்காம, ஏதும் ரப்பர் மாஸ்க் போடாம செய்யற கதாபாத்திரங்கள் வழியா நம்மையும் படத்திற்குள் இழுக்கும் (நல்ல படமோ குப்ப படமோ) நடிகர். ஒரு கம்பீரமான கேப்டன் இப்படித்தான் இருப்பார்னு நம்மை நம்ப வெச்சிருவார். மேலும் இந்த படம் அக்கால கப்பற்படை-அவர்களது வாழ்கை முறை(சின்ன வயசு கேப்டன்டகள்) போர்முறை போன்றவற்றை சிறப்பாக பிரதிபலிப்பதாகச் சொல்கிறார்கள். (நா இல்லீங்க, IMDB-பிற தளங்கள்). தயவுசெய்து சின்னபசங்க இருந்தாங்கனா அவர்களையும் உட்கார வெச்சுப் பாருங்க. முக்கிமா முடிச்ச அளவு பெரிய திரைல-நல்லா சவுண்ட கூட வெச்சுப் பாருங்க. கடலின் ஆர்ப்பரிப்பு உங்கள் காதுகள்ளயும் கேட்கும். கண்டிப்பா ரசிப்பீங்க. என்ன, இன்னும் கொஞ்சம் grippingஆ திரைக்கதை இருந்திருக்கலாம். பரவாயில்ல. என்ன மாதிரி கொழந்த மனம் கொண்டவர்களுக்கு நிச்சயம் பிடிக்கும் (எப்பூடி!!!)

.......................................

டார்வின்னுக்கும் இப்படத்துக்கும் என்ன சம்பந்தம்? இதுல வரும் Dr.மாரின் கதாபாத்திரம் டார்வின நெனச்சு படைக்கப்பட்டதாக சொல்றாங்க. டார்வின் எந்த வழியா 1831ல் HMS Beagleல போய் (பசிபிக் கடல்-கேப் ஹார்ன்) கலபாகஸ் தீவ அடஞ்சாரோ அந்த அந்த எல்லா இடங்களிலும் படப்பிடிப்பு நடத்தியிருக்காங்க. முதல்முறையா கலபாகஸ் தீவுளையும் படப்பிடிப்பு நடத்தியிருக்காங்க. டார்வினின் கோட்பாடு மிக முக்கியத்தும் வாய்ந்த ஒன்று என்பதால் அவரைப்பற்றி சொல்ல ஆசைப்படுகிறேன். கொஞ்சம் போரடிக்கிற எழுத்தா தெரிஞ்சா ஸ்கிப் பண்ணிருங்க.

டார்வின்-அறிவியல் வரலாற்றின் மிக முக்கியமான கோட்பாடுகளில் ஒன்றைத் தந்தவர். அவருக்கு முன்னர், மதக்கோட்பாடுகளுக்கு எதிரான அறிஞர்கள் என்று தேவாலயங்கள் கருதிய- Giordano Bruno (கணிதவியலாளர் & வானியலறிஞர்) 1600ஆம் ஆண்டு உயிருடன் எரித்துக்கொள்ளப்பட்டார்.

Giordano Bruno

மற்றோரு மேதை கலிலியோ (1632), கோப்பர்னிகசின் லியோசென்ட்ரிக் கோட்பாட்டை (சூரியனைச் சுற்றித்தான் மற்ற கோள்கள் வருகின்றன) ஆதரித்ததற்கு மன்னிப்புக் கேட்கவைக்கப்பட்டார். எட்டு ஆண்டுகள் வீட்டுக்காவலிலும் வைக்கப்பட்டார். 359 வருடங்களுக்கப்பறம், 1992இல் போப் ஜான் பால் இதற்கு வருந்தி கலிலியோவின் கருத்தே சரி என்று ஒப்புக்கொண்டார்.இந்தச்சூழ்நிலையில் "Origin of species by means of natural selection (1859) "  படி குரங்கின் பரிணாம வளர்ச்சியே மனிதன் எனும் கருத்து எத்தகைய விளைவை ஏற்படுத்தியிருக்கும் என்று சொல்லத்தேவையில்லை. 1831ல் HMS Beagle கப்பலில் இங்கி-பிரேசில்-சிலி-ஆன்டீஸ்-முதல்முறையாக கலபாகஸ் தீவு-நியூசிலாந்து-ஆஸி-இங்கி என்று ஐந்து வருடங்கள் கடும் பயணமேற்க்கொண்டு ஏராளமான புதைப்படிவங்களை (Fossils) கண்டுபிடித்து சேகரித்தார்; எண்ணற்ற தாவர இனங்களையும், விலங்கினங்களையும் ஆராய்ந்தார். கண்டறிந்த எல்லாவற்றையும் பற்றி விரிவான குறிப்புகளைப் எழுதி வைத்துக் கொண்டார். இந்தக் குறிப்புகள் தான் பின்னாளில் அனைத்திற்கும் ஆதாரமாக அமைந்தன.

Wallace & Darwin

ஒருமுறை தாமஸ் மால்தஸ் என்ற அறிஞரின் மக்கள் தொகை விதிமுறைகள் "Theory of population" படிக்க நேர்ந்தது.  அதில்தான் முதல்முறையாக "மக்கள்தொகை பெருக்கத்தில் தகுதியுள்ளவை மட்டுமே தப்பிப்பிழைக்கும் (Survivla of the fittest)" என்பதை படித்தார். பின்னாளில் அவரது கோட்பாட்டில் இது முக்கிய பங்காற்றியது. டார்வினின் பரிணாம வளர்ச்சிக் கொள்கையில்("Theory of evolution") அவரது சமகாலத்தவரான அல்பிரெட் வாலஸிற்க்கும் (Wallace) பெரும்பங்கு உள்ளது. இவரும் ஒரே சமயத்தில் பரிணாம வளர்ச்சிக் கொள்கையை வகுத்தார். இவரது சில கருத்துக்களை டார்வின் கையாண்டுள்ளார் என்று ஒரு சாரார் கூறுகின்றனர். ஒரு வழியாக 1836ல் ஆரம்பித்ததை 1859இல் வெளியிட்டார். டார்வினின் இக்கருத்துகள் மக்களைப் பெரிதும் வியப்பிலால்தின. ஆர்வத்தோடு மக்கள் அதைப் படித்தனர். டார்வினின் கொள்கைகளை பெரும்பாலான இயற்கையியலார் வரவேற்றனர். ஆனால் அவரது கருத்துகளுக்கு எதிர்ப்பும், மாறுபாடும் இல்லாமலில்லை.டார்வினின் “பரிணாம வளர்ச்சிக் கொள்கை” என்னும் நூல் இன்றும் விவாதத்திற்குட்பட்ட நூலாக இருக்கிறது என்பது உண்மையே. அதேபோல் மனிதர்களின் சிந்தனையின் பரிணாம வளர்ச்சிக்கு பேருதவி புரிந்தது என்பதும் உண்மையே. டார்வின் ஒரு கடவுள் மறுப்பாளர்-ஆனால் அதை வெளிக்காட்டியதில்லை என்றும் கூறுகின்றனர். அவரது "Origin of species"ன் முக்கிய கருத்துக்களை நான் புரிந்து கொண்ட வரையில் சொல்ல ஆசைப்படுகிறேன்.

Over Production (தேவைக்கு அதிகமாக ஈனுதல்): ஒரு சிறுத்தை நான்கு குட்டிகளை ஏன் ஈன வேண்டும்? சூழ்நிலை காரணமாக நான்கில் இரண்டு போனாலும் கூட இரண்டு இருக்குமல்லவா.

Struggle for existence (வாழ்க்கையே போராட்டம்): தப்பிப் பிழைத்த இரண்டும் ஒன்றுடன் மற்றொன்றும் பிறவற்றோடும் உணவு, இருப்பிடத்திற்காக போராட வேண்டும்.

Variation: ஒரு சிறுத்தைக்குட்டி மற்றொன்றை போல் வேட்டையாட முடியவில்லை. ஒன்றின் புள்ளி மற்றொன்றை போல் இருப்பதில்லை(Phyisological Variation). எந்த ஒரு உயிரினம் மற்றொன்றுடன் தன்னை வேறுபடுத்தி சுற்றுச்சூழலுடன் இணைந்து சமாளிக்கிறதோ அதுவே முன்னிலிருக்கும்.

Survival of the fittest: இரு சிறுத்தைக்குட்டியில் வலியதே வாழும்.

Natural Selection: இரு சிறுத்தைக்குட்டியில் மேலே சொன்னா நான்கு தகுதிகளைக் கொண்ட சிறுத்தைக்குட்டியையே இயற்கை தேர்ந்தேடுக்கும். 

இந்த கோட்பாடுகளை எதனுடன் வேண்டுமாணலும் (ப்ளாக்கிற்கு கூட) பொருத்திப் பார்க்கலாம்.

டார்வினின் வரலாற்றை "Creation" (2009) என்ற படமாக (இதில் டாக்டராக வரும் bettanyதான் அதில் டார்வின்) வெளியிட்டிருக்கிறார்களாம்.

அவரது ""Origin of species" பற்றி டாகுமெண்டரியை காண:

Part1              Part2                  Part3                    Part4                       Part5