Friday, May 29, 2015

Make way to the prince of Rap: Kendrick Lamar

ராப் இசை என்பது, வெறும் fuck - bitch - போன்ற வார்த்தைகள் நிரம்பியது, துள்ளல் இசை - அவ்வளவே, அமெரிக்க இசைக்கு இவ்ளோ அர்பாட்டமா, இத்யாதிகள்...... என்ற கற்பிதம் உள்ளவர்கள் இந்தப் பதிவை எப்படி எடுத்துக்கொள்வார்கள் என்று தெரியவில்லை. ராப் இசை - முழுக்க முழுக்க ஒரு கலக இசையாகத் தான் வளர்ந்தது. Protest music. இன்றுவரையிலும் பல நாடுகளில் ஒரு கலகக் குரலாகவே ராப் இசை இருந்து வருகிறது. என்ன....அந்தப் பாடல்களின் அர்த்தம் நமக்கு விளங்காது. மொழிபெயர்ப்பின் உதவியுடனே சில ஆப்ரிக்க ராப் பாடல்களை புரிந்து கொண்டேன். அழுத்தம் நிறைந்த வரிகள் அவை. அதில் போக வேண்டிய தூரம் நிறைய இருப்பதால் நம் எல்லாருக்கும் ஓரளவிற்கு பரிட்சயமான மெயின்ஸ்ட்ரீமை பற்றி எழுதலாம் என்ற கணநேர சிந்தனையின் விளைவு இந்தப் பதிவு.  என்னளவில், ராப் மிகமிக பிடித்தமான ஒன்று. ராப் பாடல்கள் - பதிவு பற்றி, வேறொரு ஐடியா இருப்பதால் இதில் மிகமேலோட்டமாக மட்டுமே சில விஷயங்களை சொல்ல முயற்சித்திருக்கிறேன். எமினெம் தாண்டி உங்களுக்கு ராப்பில் எதுவும் பெரிதாக தெரியாதென்றால், கடைசியாக நீங்கள் பார்த்த இங்க்லிஷ் படம் ஷோலேவாகத்தான் இருக்கும். அப்படியான ஆட்கள் அப்டேட் செய்து கொள்ள இந்தப் பதிவு உதவும் என்று நம்புகிறேன்.

அமெரிக்க Mainstream rapபை பொறுத்தவரை 2000த்துக்கு பிறகு மிகமிக வறட்சியான காலகட்டம். பின்-80களில் ராகிம் (Rakim), ஜக் டி (Chuck D), பிக் பன் (Big Pun); 90களில் நாஸ்(Nas), ஜே - சி (Jay z), டூபாக் (Tupac), நோடோரியஸ் பிக்கி (Biggie), கேஆர்எஸ் ஒன்(KRS One); 2000த்தின் ஆரம்பத்தில் எமினெம்(Eminem) என்று ஏகப்பட்ட லெஜன்ட்களை பார்த்தாகிவிட்டது. ஆனால், கடந்த பத்து வருடங்களாக மிகவீரியமான மெயின்ஸ்ட்ரீம் ராப்பர் என்று யாரும் வரவில்லை (. அதில் மேல்கூறிய அனைவரையும் விட சில காத்திரமான ஆட்கள் - Underground Rapல் உண்டு. சாவகாசமாக அவர்களைப் பற்றி ஒருநாள் எழுத உத்தேசம்). இவர்களில் பல பேர் கடந்த பல வருடங்களாக எந்த புது ஆல்பதையும் வெளியிடவில்லை. வெளியிட்ட Nas, Jay Z, Eminem போன்ற ஆட்களும் திரும்பத் திரும்ப ஒரே விஷயத்தையே பாடல்களில் சொல்லிக் கொண்டிருந்தனர். அதுவும் எமினெம் எல்லாம் கமல்ஹாசன் "நா எப்பிடி நடிக்கிறேன் பாத்தியா" என்று ஸ்க்ரீன் ப்ரசென்ஸ்சை காட்டுவது போல், தற்போது ராப் செய்து கொண்டிருக்கிறார். இதுவாவது பரவாயில்லை. செய்வதை திருந்தச் செய்கிறார்கள்.

இன்னொரு பக்கம், Gangster/Mafioso rapல் ஆரம்பித்து pop rap வரையிலான ஆட்களின் அட்டகாசம் தான் தாங்க முடியவில்லை. Gangster/Mafioso rapயை பொறுத்தவரை Tupac, Biggie ஆரம்பித்து வைத்த விஷயம் அது. Jay Z அதே காலகட்டத்தில் Mafioso rapயை ஆரம்பித்தார். கறுப்பின மக்களுக்கு, குறிப்பாக டீன்ஏஜ் ஆட்களுக்குள் அப்போதிருந்த கேங்-வார், லாகிரி வஸ்துக்களின் பழக்கம், அவர்களது வாழ்க்கைமுறை என்பதாக அந்தப் பாடல்கள் நீளும். ஆரம்பத்தில் இதுபோன்ற பாடல்களை பாடும் போது ஒருவித குற்றஉணர்வு அப்பாடல்களில் இருந்தது. அமெரிக்க அரசுகள் எவ்வாறு பின்தங்கிய - பகுதிகளில் வாழும் கறுப்பினத்தவர்களை நடத்தியது, கறுப்பின அரசியல் என்பது குறித்தெல்லாம் பாடல்கள் இந்த genreல் வெளிவந்துள்ளது. ஆனால்......போகப்போக பாடல்களில் வன்முறையை glorify செய்ய ஆரம்பித்தனர். அந்த glorification முழு வடிவம் பெற்றது 50 Cent காலத்தில் தான். 50 சென்ட்ன்,ஒருசில பாடல்கள் தவிர அநேக பாடல்களை இரண்டாவது முறையாக கேட்க வேண்டும் என்று தோன்றியது கூட இல்லை. படுதிராபையான லிரிசிஸ்ட் வேறு. Robin Thickeகுடன் சேர்ந்து, இதுபோன்ற முயற்சிகளை செய்திருந்தாலும் - Get Money Fuck Bitches இதுதான் இவரது பல பாடல்களின் தாரக மந்திரமாக இருக்கம். GMFB என்ற வார்த்தை பிரயோகம் 90களில் ஆரம்பித்திருந்தாலும்(அது வேறு அர்த்தத்தில் அப்போது புழக்கத்தில் இருந்தது) 2000க்கு பிறகு ஏகத்துக்கும் பிரபலம். இதுபோன்ற பாடல்களில், லிரிகல் கன்டென்ட் என்று பார்த்தல்...

ஃபெராரி காரை ஓட்டிக்கிட்டு போகும் போது அவள பாத்தேன்.அவ என்ன பாத்தா.
ரெண்டு பேரும் படுத்து உருண்டோம்.
எதிரி கேங்கின் ஆட்கள் அடுத்தநாள் என்ன போட பாத்தாங்க.
ரெண்டு புல்லட் உரசிட்டு போச்சு. ஒண்ணு உள்ள பாஞ்சது.
ஹாஸ்பிடல்ல இருந்தேன். உள்ள ஒரு ஒளி தெரிஞ்சது.
திரும்ப வந்து பாத்தா எதுவுமே இல்ல. அந்த ______ம் என்ன வுட்டுட்டு ஓடிட்டா.

இந்த ரீதியில் தான் இருக்கும். இதுபோல ஒரு பாடல், ரெண்டு பாடல் கேட்கலாம். நூற்றுக்கணக்கான பாடல்கள் என்றால் ? எரிச்சல்தான் மண்டிக் கொண்டு வரும். இதற்கு எடுக்கப்படும் வீடியோக்களில், ஸ்ட்ரிப் க்ளப் தவறாமல் இடம்பெறும். க்ளோஸ்-அப் ஷாட்களில் பெண்களின் புட்டத்தை காண்பிப்பார்கள். இது ரெண்டும் இல்லாத gangster rap பாடல்களை மிகமிக அரிதாகவே பார்த்திருக்கிறேன். அடுத்து, அந்தகால LL Cool Jவில் ஆரம்பித்து Akon, Drake, Wiz khalifa,Flo Rida பெண்களில் Nicki Manaj மாதிரியான ஆட்களின் அலப்பறை. நல்ல சிந்தசைசர் இசை + உடனே கவரும் ஹூக்ஸ் + அட்டகாசமான கண்கவர் வீடியோக்கள் என்று மிகமிக எளிமையான வரிகளுடன் க்ளப்களில் போட்டு ஆடுவதற்கென்றே உருவாக்கப்படும் பாடல்கள் இவை.  1-2, 1-2, 1-2 என்ற தாளத்தில் ஒலிக்கும் சிந்தசைசர் இசை, உலகத்தில் எந்த மூலையில் இருப்பவரையும் ஈர்க்கவே செய்யும். ஆனால் ராப் இசையின் அடிநாதம் இசையில் இல்லை - பாடல்களின் வரிகளிலேயே உள்ளது. Catchyயான  வார்த்தைகள் வேண்டும் என்பதற்காக கண்டதையும் பாடி சாகடிக்கிறார்கள்.

நான் 97 - 98களில் ராப் கேட்க ஆரம்பித்த போது, வெறும் அதன் இசைவடிவம் மட்டுமே கவனத்தில் இருக்கும். அப்போது வார்த்தைகளுக்கெல்லாம் அர்த்தம் வேறு புரியாது. நல்ல "பூம்.......பூம்..." என்ற bass உள்ள பாடல் நல்ல பாடல். அவ்வளவுதான் புரிந்து வைத்திருந்தேன். 2002ல் எமினெம் Lose Yourself வெளியானது. ராப் பற்றிய எனது பார்வையை முற்றிலுமாக மாற்றிய பாடல் அது. அர்த்தம் புரிந்து கேட்ட - இப்போது கூட முழு பாடலையும் ஒப்பிப்பேன் - முதல் பாடல் அதுதான். ராப்பின் டெக்னிகல் விஷயங்களான Flow, Rhyme.... போன்றவைகள் எல்லாம் கொஞ்சகொஞ்சமாக புரிய ஆரம்பித்தது. அடுத்த சில ஆண்டுகளில் இணையம் வீட்டிற்குள் வரத் துவங்க....மலைப்பிற்குரிய பல விஷயங்கள் தெரியவர ஆரம்பித்தன. கடந்த நான்கைந்து ஆண்டுகளாக மெயின்ஸ்ட்ரீம் ராப்பின் மீதான நம்பிக்கை முற்றிலும் போய்விட்டது. Underground & Conscious rap தான் அதிகமாக கேட்பது.

KendrickLamar

இப்படியாக மெயின்ஸ்ட்ரீமின் க்ளிஷேக்களின் மீது வெறுப்பு மண்டிய நிலையில், போன வருடம் கீழிருக்கும் Swimming Pools பாடலைக் கேட்க நேர்ந்தது. வாவ்.......எத்தனைநாட்கள் ஆயிற்று இதுபோன்ற ஒரு லிரிக்ஸ் + Flow + Rhyme + Spittingகை கேட்டு (அபூர்வமாக Kanye West 2000ற்கு பிறகு சில பாடல்களில் இதனை செய்தது உண்டு). K Dot aka Kendrick Lamarன் பாடல்கள் அறிமுகமானது இப்படியாகத்தான். West coast hip hop எனப்படும், Tupac - Dr.Dre - Snoop Dog - Ice Cube போன்ற ஆட்கள் வளர்ந்த கலிபோர்னியா - காம்ப்டனில் (ராப் ரசிகராக இருந்தால், கலிபோர்னியா என்றவுடன் இந்தப் பாடல் ஞாபகம் வர வேண்டும்) இருந்துதான் லமாரும் வந்திருக்கிறார். ஒரு ஆர்டிஸ்ட் பிடித்துப் போய் விட்டால், வழக்கபோல் அவரது முழு டிஸ்கோக்ராஃபியையும் டவுன்லோட் செய்வதுதானே அடுத்த வேலை நமக்கு......


தனிபட்ட முறையில், எனக்கு எப்படியான ராப் ஆர்டிஸ்ட்களை பிடிக்கும் என்றால்........கீழிருக்கும் டெக்னிக்ஸ்சை வைத்தே அவர்களை அணுகுவேன்.

Flow:

First & foremost, Flow. Staying on the beats. அதாவது தாளத்துடன் எவ்வாறு பாடுகிறார்கள் என்பதாகக் கொள்ளலாம்... வெண்ணையில் கத்தி மாதிரி சொற்கள் இலகுவாக, கோர்வையாக தாளத்துடன் பயணிக்க வேண்டும். Flow காம்ப்ளெக்ஸாகவோ எளிமையாகவோ இருந்தாலும், பாடுவது புரிய வேண்டும். அதுதான் மிக அடிப்படையான விஷயம். வார்த்தைகளில் தெளிவில்லையெனில் எவ்வளவு நல்ல பாடலாக இருந்தாலும் வேலைக்காகாது.

Rhyme:

இதை பாடலில் உள்ள வார்த்தைகளின் ஓசை நயம் என்று சொல்லலாம். மொக்கையாக சொல்வதென்றால், நமது பாடல்களில் "மானே - தேனே ' என்று கடைசி வரியில் முடிக்கிறோமே......அதுபோல, வரிகளின் ஆரம்பத்தில் - இடையில் - முடிவில் என்று எங்கு வேண்டுமானாலும் ஒரு சீரான ஓசை நயத்தை கொண்டு செல்வதே, ரைம். இதில் ஏகப்பட்ட வகைகள் உள்ளன.

Perfect Rhyme - சாதாரண, ஆரம்பநிலை ரைம். Cat - Rat - hat என்று வரிகளின் வார்த்தைகள் முடியும்

Assonance - Vowel Sound(A,E,I,O & U)டுடன் கூடிய வார்த்தைகள் சீரான இடைவெளியில் வந்துவிழும்.

Consonance - Consonant soundடுடன் கூடிய வார்த்தைகள் சீரான இடைவெளியில் வந்துவிழும்.

Multisyllable Rhyme - மிக சுவாரஸ்யமான ஸ்டைல் இது. ஒரு வார்த்தையின் ஆரம்பமோ - இடையிலோ - முடிவிலோ வரும் ஓசையைக் கொண்டு அதேபோன்ற ஏகப்பட்ட வார்த்தைகளை தொடர்ச்சியாக வெளிப்படுத்துவார்கள்.  A A B B A B A B என்று மாறிமாறி வரும். மாறாக மேலே பார்த்த மற்ற ரைம்கள்  A B A B இதுபோன்றே வரும். இந்தவகை ரைமிங்கில் எமினெம் ஒரு ஜீனியஸ். அநேகருக்கு தெரிந்த Lose Yourself பாடலை எடுத்துக் கொள்வோம்

His palms are sweatyknees weak, arms are heavy
There's vomit on his sweater alreadymom's spaghetti
He's nervous, but on the surface he looks calm and ready to drop bombs,
but he keeps on forgetting what he wrote down,
the whole crowd goes so loud
He opens his mouth, but the words won't come out
He's choking how, everybody's joking now
The clock's run out, time's up over, bloah!
Snap back to reality Oh there goes gravity

(Boldல் இருக்கும் வார்த்தைகளை கவனிக்கவும். பாடலைக் கேட்டுக் கொண்டே இதனைப் படித்தால் நலம். இதுபோக, ரைம்ஸ் பற்றி இங்கிருந்து விஷயங்களை தெரிந்து கொண்டு நீங்களும் உங்கள் நண்பர்களிடம் கதையளக்கலாம்)
Story telling:

தான் சொல்ல வந்ததை எவ்வளவு சுவாரசியமாக சொல்ல ம=முடிகிறது என்பதும் முக்கியம். கேட்பவர்களை கொஞ்சகொஞ்சமாக உள்ளிழுக்க வேண்டும். என்னவோ பெரிதாக வரப்போகிறது என்ற எதிர்பார்பை கிளற வேண்டும்.

Content:

இதுமிக முக்கியமானது அல்லவா. புரட்சிகரமானதாக இருக்க வேண்டும் என்று அவசியம் இல்லை. ஆனால் romanticize செய்யப்பட மிகமிக சாதாரண, திரும்பத்திரும்ப ஒரே விஷயத்தை பேசும் பாடல்களின் மீது எனக்கு விருப்பம் இல்லை.

ராப்பை பொறுத்தவரை மேலிருக்கும் மூன்றும் தான் மிகமிக முக்கியம். நல்ல - சிறந்த - லெஜன்ட்ஸ் என்ற வகைகள் எல்லாம் இந்த மூன்றை வைத்தே பிரிக்கப்படுகின்றன. கேன்ட்ரிக் லமாரை பொறுத்தவரை மூன்றிலுமே பிய்த்து உதறுகிறார். மேலிருக்கும் "Swimming Pools" பாடலே சிறந்த எடுத்துக்காட்டு. அவரது பல பாடல்களில் Swimming Pools பாடலில் வருவதைப் போல், இருகுரல்களில் பாடுவார். மனசாட்சியாம். ஆனால் கேட்க என்னவோ சுவாரசியமாகவே உள்ளது.

இதுதான் முக்கியமாக சொல்ல வந்தது. வார்த்தைகள். தனது internal strugglesசை மிகக்காட்டமாக வெகுசில ராப்பர்களாலேயே வெளிக்கொணர முடியும். அந்த வரிசையில் லமாருக்கு நிச்சயமாக ஒரு பெரிய சிம்மாசனம் காத்திருக்குகிறது. Cartoons and Cereals என்ற அட்டகாசமான பாடல் ஒன்று உண்டு. சற்றே complexசான பாடல் தான். வழமையான ராப் பாடல்களை கேட்டவர்களுக்கு இதன் அர்த்தம் பிடிபட சற்று நேரம் பிடிக்கலாம்.


வன்முறைகள் நிறைந்த ஒரு சூழ்நிலையில் வளர்ந்த சிறுவனின் வன்முறைக்கும் அந்தப் பாதையில் இருந்து விலகிச் செல்வதற்குமானஅல்லாட்டாங்களை அனாயாசமாக வெளிப்படுத்துகிறார். இந்தவகையான பாடல்கள் தற்போதையை சூழ்நிலையில் மிகமிக அரிதாகவே வெளிவருகிறது.


Metaphors - மற்றவர்களிடம் இருந்து தன்னை வேறுபடுத்திக் காட்டுவதற்கு ராப்பர்கள் பெரிதும் நம்புவது உவமைகளைத்தான் . பாடல்களை அடுத்த கட்டத்திற்கு அதுதான் எடுத்துச் செல்லும். பல அட்டகாசமான metaphorsகளை லமாரின் பாடல்களில் கேட்டிருக்கிறேன். உதாரணமாக, Hiipower பாடலில்

I'm standing on the field full of land mines
Doing the moonwalk......hoping I blow up in time ஒரு மிகச் சிறிய உதாரணம்.

தொடர்ந்து கோனார் உரை மாதிரி, வரிகளை நிரப்பிக் கொண்டு செல்ல விருப்பம் இல்லை. எனக்குப் பிடித்த வரிகளுடன் + லமாரின் பாடல்களுடன் நிறுத்திக் கொள்கிறேன். டவுன்லோட் செய்து கேட்டுவிட்டு சொல்லுங்கள். (Lyrics Source - Rapgenius.com )
If you look inside my mind you'll probably see atomic bomb
Loaded with explosive grenades holding dope rhymes
And it's potent
You never heard of heroic flow more divine
As a poet I know I'm the don
- Super Genius

I'll make an album that'll put a smile on Malcolm
Make Martin Luther tell God I'm the future for Heaven's talent

- Ignorance is a bliss

My itinerary is very hectic
I break records on every record...... i am truly wreckless

-  Thanksgiving

I'm just a messenger
Yeah I know life's a bitch
Get the best of her

- Fuck Your Ethnicity

You killed the nigga, I stole a bible, is that a sin
Part of me though, is searching for answers

- Is this love

My future so bright I'd probably go blind before I blink twice, I ain't lying

-  Heart pt 2

Living in a world that come with Plan B
Cause Plan A only can make another mistake
And you can’t see success coming from plan C
-  Real



My favourite kendrick lamar's tracks: (லிங்க்குடன்)

கடைசியாக, கீழிருக்கும் இந்தப் பாட்டை கேட்க முடிந்தால் நலம். A$AP Rocky, Big K.R.I.T அனைவருமே இந்தத் தலைமுறையின் ராப்பர்கள். லிரிக்ஸ்சை கேட்டுப் பாருங்கள்.......அட்டகாசம்.

Barely even conscious, talking to my conscience - Moonwalkin' on the sun, barefoot, with shades on - B.B. King saw the king in me, so why can’t you? In order to come up close/you’ll have to dig up Cash and Elvis, too/ Muddy water flow (இதில் B.B.King, Muddy Waters யாரென்று தெரிந்தால் தான் முழுமையாக சில விஷயங்கள் புரியும். அதுபோல போகர்ட் - அவுட்லா விஷயமும்)

Facebookers..

33 comments :

  1. கும்ரேஷன்May 30, 2013 at 1:31 AM

    அண்ணே யார்னே நீயி? இம்புட்டு வெஷயத்த புட்டு புட்டு வைக்குற

    ReplyDelete
  2. அவருதான் நம்ம எல்லாருக்கும் அண்ணன்... அண்ணன்யா... :)

    ReplyDelete
  3. super....ஏன் சூப்பர்னு விளக்க முடியாத ஞான் சூன்யம் நான்..எனக்கே பிடிச்சு இருக்குனா பார்த்துக்கோங்க...

    ReplyDelete
  4. It's an excellent post. Excellence has become a way of life in your posts. Superb.

    ReplyDelete
  5. ஜாஸ் பற்றிய குறிப்புக்கள் வருமேயானால் என்னைப்போன்ற ஜாஸ் இசைப்பிரியர்களுக்கும் பயனுள்ளதாக இருக்கும்...

    ReplyDelete
  6. நீங்க எந்த ஸ்கூல்ல படிச்சிங்க கொழந்த?!! :-P

    ReplyDelete
  7. அருமையான பதிவு..

    ReplyDelete
  8. இசை சார்ந்து வாசித்த ஒரு அருமையான பதிவு. சூப்பர் பாஸ்

    ReplyDelete
  9. நல்ல பதிவு.பதிவிற்க்கு நன்றி

    ReplyDelete
  10. வித்தியாசமான கட்டுரை.... வேறுபட்டு விமர்சிப்பது அருமை

    ReplyDelete
  11. கிழி கிழின்னு கிளுச்சிடீங்க ... :)

    ReplyDelete
  12. 2PAC & Eminem இருவரும் எனக்கு ரொம்ப பிடித்த ராப்பர்கள்.. JAY Z, Dr.Dre,Snoop Dog - இவங்களோட சில ஆல்பம்லாம் கூட வெறித்தனமா இருக்கும் ! ஆனா 2005கு பிறகு ( "Encore" by Eminem being the last one - Song: We as Americans : "Fuck money, I don't rap for dead presidents. I'd rather see the president dead" :-) ) . வந்த எந்த ராப் ஆல்பமோ , பாடல்களோ என்னை அவ்வளவு வசீகரிக்க வில்லை!

    ஆனால் இதுவரை "Underground & Conscious rap " பற்றி தெரியாமல் இருந்து விட்டேன் ! உங்கள் போஸ்டில்இருக்கும் லமாரின் "Hiiipower" பாடலை இப்போது திரும்ப திரும்ப கேட்டு கொண்டுஇருக்கிறேன்!!!

    Thanks a lot for this awesomest post! U simply rock :-)

    ReplyDelete
  13. தமிழில் இப்படியொரு பதிவு வரும் என்று எதிர்பார்க்கவேயில்லை. ராப் இசை பற்றிய ஒரு முன்னோட்டப்பதிவு. இசை விமர்சனம் என்று வரும் போது, அட்டகாசமான பதிவு. முழுமையான ராப் இசை பற்றிய (அரசியல், கலகம், Underground Rap) விமர்சனத்தை எதிர்ப்பார்க்கின்றேன். Flow, Rhyme, Story Telling, Content..... wow man!. அறிமுகப்பதிவு இன்னும் விரிவாக வர வேண்டும்.

    ReplyDelete
  14. தமிழில் ஷாஜிக்கு அப்புறம் நீங்க தான் இசைய பத்தி அதிகமா எழுதுறிங்க வாழ்த்துக்கள்

    ReplyDelete
  15. அண்ணே.. இவ்ளோ சொன்னீங்க.. தமிழ் ராப் பாடல்களப் பத்தி ஒன்னியும் சொல்லக் காணோமே-ன்னே.. யோகி-பி தான் எங்க எல்லாருக்கும் தெரிஞ்ச ராப் பாடகர்.. :) :)

    இசையைப் பற்றி புட்டுப் புட்டு வைக்கும் அண்ணனிடமிருந்து கூடிய சீக்கிரமே ஒரு ஆல்பத்தை எதிர்பார்க்கிறோம் என்பதை அண்ணனின் ரசிகர் மன்றத்தின் சார்பாக கோரிக்கையாக வைக்கக் கடமைப் பட்டிருக்கிறோம் என்பதை பணிவன்புடன் தெரிவித்துக்கொள்வது அண்ணனின் அடிவிழுதுகளில் முதல் விழுது..!!

    ReplyDelete
  16. வேற்றுமொழி இசையை எளிமையாகவும் ரசிக்கதக்க வகையிலும் பதிவு செய்தமைக்கு வாழ்த்தக்கள். மேலும் இசையை பற்றிய பதிவுகளை எதி்ர்பார்க்கிறேன் கொழந்த.

    ReplyDelete
  17. நாவொரு சிசுங்க

    ReplyDelete
  18. Time to lead.....

    ReplyDelete
  19. எல்லாரும் சூன்யம் தான...என்ன நெறைய பேர் அத உணர்றதில்ல

    ReplyDelete
  20. ஹி..ஹி..இதுக்கு என்ன ரிப்ளை செய்ய முடியும்.....

    ReplyDelete
  21. ஜாஸ் பத்தி - தமிழ்ல வந்த கட்டுரைகள்னு லிங்க் குடுத்திருக்கேன் பாருங்க..அட்டகாசமா இருக்கும்..

    ReplyDelete
  22. திண்டுக்கல் MSP

    ReplyDelete
  23. நன்றி ஹை

    ReplyDelete
  24. கேட்டீங்களா....புடிச்சதா ?

    ReplyDelete
  25. தங்கள் கருத்திற்கும் நன்றி

    ReplyDelete
  26. விமர்சனமெல்லாம் இதுல இல்லீங்க..ஜஸ்ட் என் பான்ட் ஆப் வ்யூல சொன்னேன்..அம்புட்டுதான்

    ReplyDelete
  27. அடுத்தது வரப்போகுது பாருங்க..எல்லாரும் செத்தாங்க

    ReplyDelete
  28. தமிழ் ராப் - இன்னும் வயசுக்கு வரலனு தான் தோணுது..முடிஞ்சா ஒருநாள் எதுனா கிறுக்கி வைக்கிறேன்...

    ஆல்பம் - நல்ல அகுடியா....ரஹ்மான் மீஜிக் போட்டா, கன்சிடர் செய்கிறேன்

    ReplyDelete
  29. ஹி..ஹி..நாவொரு சிசு.....

    வாழ்த்துகளுக்கு ரொம்ப நன்றி.....தொடர்ந்து இப்பிடி எழுதி எல்லாரையும் மொக்க போட்டு சாவடிக்க உங்களைப் போன்ற ஆட்களின் கமெண்ட்கள் உத்வேகம் தருது

    ReplyDelete
  30. விரிவாக..வேற ரேஞ்சுல ஒண்ணு வரத்தான் போகுது

    ReplyDelete
  31. நீங்க சொன்னாபுல, 2005க்கு பிறகு பெருசா ராப்ப பொறுத்தவரை ஒண்ணும் நடக்கல...ஆனா இதுல கடசில இருக்கும் - லிங்க்ல - பாடகர்கள் தான் வருங்கால ராப் ராஜாக்கள்னு எல்லாரும் அடிச்சு சொல்றாங்க..

    ReplyDelete
  32. நன்றி பாஸ்......

    ReplyDelete
  33. […] the Rapper. இருபதே வயது. அட்டகாசமான flow.  கேன்ட்ரிக் லமார் பற்றி ஒரு பதிவு […]

    ReplyDelete